शहर पोलिसांची कारवाई : 1 लाख 82 हजारांचे दागिने जप्त
गोंदिया : बाजपेयी चौक, कुंदन कुटी मंदिर जवडील अग्रवाल कुटुंबियांसह बाहेरगावी गेले असता अज्ञात चोरट्यानी 2.20 लाखाचे सोन्या- चांदीचे दागिने व नगदी चोरुन नेले. वरिष्ठांनी दिलेल्या निर्देश सूचना आदेशाप्रमाणे गोंदिया शहर पोलिसांनी घरफोडी करणाऱ्या दोन अट्टल चोरट्याना अटक केले. फरहान ईशाक कुरैशी (वय 20) व आशिक नरेंद्र बंसोड (वय 20) दोन्ही राहणार बाजपेयी वार्ड, गौतमनगर असे आरोपीचे नाव आहे. आरोपींकडुन चोरीस गेलेले सोन्या- चांदीचे दागिने असा 1 लाख 82 हजाराचा मुद्देमाल पोलिसांनी जप्त केले.शहरातील बाजपेयी चौक, आशीर्वाद धर्म काट्याच्या मागे, कुंदन कुटी मंदीर जवडील फिर्यादी देवकीनंदन हनुमानप्रसाद अग्रवाल हे परिवारासह बाहेरगावी शिवणी (मध्य प्रदेश) गेले होते. कोणीतरी अज्ञात चोरट्यानी 26 मे रोजी रात्री 10 वाजत्याचा दरम्यान त्यांचे राहते घरातील लोखंडी आलमारीचे लॉकर तोडून लॉकरमध्ये ठेवलेले सोन्या- चांदीचे दागिने व नगदी 90 हजार रुपये असा एकूण 2 लाख 20 हजार 500 रुपयांचा मुद्देमाल चोरुन नेले. फिर्यादीच्या तक्रारीवरून गोंदिया शहर पोलिसात अप.क्रं. 343/2024 कलम 454, 457, 380 भा. द. वि. अन्वये गुन्हा दाखल करण्यात आलेला होता. सदर गुन्ह्याचे तपासाच्या अनुषंगाने वरिष्ठांनी दिलेल्या निर्देशाप्रमाणे उपविभागीय पोलीस अधिकारी रोहिणी बानकर यांच्या मार्गदर्शनात गोंदिया शहर पोलीस स्टेशनचे प्रभारी अधिकारी स.पो. नि. सोमनाथ कदम यांचे नेतृत्वातील गुन्हे प्रकटीकण पथकातील अधिकारी-अंमलदार यांनी सदर गुन्हयातील अज्ञात चोरट्याचा शोध सुरु केले. गोपनिय बातमीदारांकडुन प्राप्त खात्रीशीर माहितीच्या आधारे संशयीत आरोपी फरहान ईशाक कुरैशी व आशिक नरेंद्र बंसोड दोन्ही रा. बाजपेयी वार्ड, गौतमनगर यांना शिताफीने ताब्यात घेण्यात आले. गुन्ह्याचे अनुषंगाने त्यांना सखोल विचारपूस चौकशी केली असता दोघांनीही नमूद घरफोडी गुन्हा केल्याची कबुली दिली. गुन्ह्यातील चोरी केलेला 1 लाख 82 हजाराचा मुद्देमाल आरोपीतांचे घरझडतीत जप्त करण्यात आले. आरोपीँना गुन्ह्यांत अटक करण्यात आली असून आरोपीतांना मा. न्यायालया समक्ष हजर केले असता न्यायालयाने 4 जून 2024 पर्यंत पोलीस कोठडी रिमांड मंजूर केला आहे. तपास स.पो.नि. सोमनाथ कदम हे करीत आहे. ही कारवाई उपविभागीय पोलीस अधिकारी गोंदिया श्रोहिणी बानकर, गोंदिया शहरचे पो. नि. चंद्रकांत सुर्यवंशी यांचे मार्गदर्शनाखाली गुन्हे प्रकटीकरण पथकातील स.पो.नि. सोमनाथ कदम, स.पो.नि. विजय गराड, स.पो.नि. पांढरे, मंगेश वानखेडे, पोलीस अंमलदार जागेश्वर उईके, सुदेश टेंभरे, कवलपाल भाटीया, निशिकांत लोंदासे, दिपक रहांगडाले, सतिश शेंडे, प्रमोद चव्हान, रिना चव्हान, अशोक रहांगडाले, दिनेश बिसेन, मुकेश रावते, सुभाष सोनवाणे यांनी केली.
