गोंदिया : महाराष्ट्र शासन गृह विभागाने नुकत्याच काढलेल्या आदेशान्वये पोलीस अधीक्षक ते पोलीस उपायुक्त दर्जाच्या पोलीस अधिकाऱ्यांच्या बदल्या करण्यात आलेल्या आहेत. पोलीस अधीक्षक गोंदिया निखिल पिंगळे (भा.पो.से.) यांची बदली पोलीस उप-आयुक्त म्हणून पुणे शहर येथे झाली आहे. त्याच्या ठिकाणी पोलीस अधीक्षक गोंदिया पदी, नागपुर परिमंडळ-3 चे पोलीस उपायुक्त गोरख सुरेश भामरे, (भा. पो. से.) यांची नियुक्ती करण्यात आली आहे. गोरख सुरेश भामरे यांनी पोलीस अधीक्षक गोंदिया पदाचा पदभार निखिल पिंगळे यांच्याकडून स्वीकारला.
