अर्जुनी मोरगाव, (गोंदिया) : अर्जुनी मोरगाव येथील सरस्वती विद्यालय व कनिष्ठ महाविद्यालयात भारतीय असंतोषाचे जनक लोकमान्य टिळक यांची पुण्यतिथी तसेच लोकशाहीर अण्णाभाऊ साठे यांची जयंती साजरी करण्यात आली. याप्रसंगी कार्यक्रमाच्या अध्यक्षस्थानी शाळेचे प्राचार्य जे.डी.पठान होते तर प्रमुख उपस्थिती उपप्राचार्या छाया घाटे, पर्यवेक्षक महेश पालिवाल, प्रा. नंदा लाडसे, प्रा. टोपेश बिसेन, वरिष्ठ शिक्षक लोकमित्र खोब्रागडे यांची होती. सर्वप्रथम लोकमान्य टिळक तसेच लोकशाहीर अण्णाभाऊ साठे यांच्या प्रतिमेचे पूजन करून माल्यार्पण करण्यात आले. अध्यक्षीय भाषणातून प्राचार्य जे. डी.पठाण यांनी विद्यार्थ्यांनी लोकमान्य टिळकांप्रमाणेच देशभक्ती बरोबरच समाजसेवेचे व्रत सुद्धा अंगिकारावे असे प्रतिपादन केले. कार्यक्रमाचे संचालन दिपाली कोट्टेवार तर आभार ज्योती शेळके यांनी मानले. कार्यक्रमाचे यशस्वीतेसाठी सर्व शिक्षकावृंदानी सहकार्य केले.
