डोके धडापासून वेगळे : नवेगावबांध येथील घटना
गोंदिया : नवेगावबांध येथील आझाद चौकात उजवणे कुटूंबाकडून आटाचक्की (पीठ गिरणी)चे लघु व्यवसाय केले जाते. नेहमीप्रमाणे ग्राहक आल्यानंतर उजवणे कुटूंबातील महिलेने पीठ गिरणी मशिन सुरू केली. दरम्यान गिरणीत दळण टाकताना अचानक महिलेचा दुपट्टा मशिनच्या पट्ट्यात अडकला. आणि दुपट्टासोबतच सदर महिला मशिनच्या पट्ट्यात ओढली गेली. या घटनेत महिलेचा डोके शरीरापासून वेगळे झाले. ही दुर्देवी घटना आज (ता. 28) दुपारी 4.30 वाजता सुमारास घडली. नीतू हर्षल उजवणे (वय 46) असे मृत महिलेचे नाव आहे.नवेगावबांध येथील आझाद चौकात राहत असलेले हर्षल उजवणे यांच्याकडे पीठ गिरणी (आटा चक्की) आहे. या माध्यमातून ते लघु व्यवसाय करतात. या व्यवसायात हर्षलची पत्नी नीतू ही हातभार लावत असे. आज (ता.28) दुपारी 4 वाजता सुमारास ग्राहक दळण घेवून आले असताना नितूने पीठ गिरणी सुरू केली. गिरणीत दळण टाकताना नितुचा दुपट्टा गिरणी मशिनच्या पट्ट्यात अडकला आणि क्षणात नितूही त्या पट्ट्यात ओढली गेली. नितू पट्ट्यासोबत चाकात अडकली. त्यातच तिचा दुर्दैवी मृत्यू झाला. विशेष म्हणजे, हा अपघात एवढा हृदयद्रावक होता की, नितू उजवणे हिचा डोके शरीरापासून वेगळे होवून फेकला गेला. या घटनेमुळे उजवणे कुटूंबियावर दु:खाचे डोंगर कोसळले असून नवेगावबांध येथे हळहळ व्यक्त केली जात आहे. घटनेची माहिती मिळताच नवेगावबांध येथील नागरिकांनी घटनास्थळीच एकच गर्दी केली होती. या घटनेची नोंद नवेगावबांध पोलिस ठाण्यात करण्यात आली.
