भीषण अपघातात चार ते पाच वाहनाचे नुकसान : आरोपी चालक फरार
गोंदिया : शहरातील रिंग रोड स्थित सहयोग हॉस्पीटल अवंती चौक गोंदिया ते रेल्वे क्रॉसींग द्वारका लॉन दरम्यान एका आयसर वाहनाच्या चालकाने आपल्या ताब्यातील वाहन भरधाव वेगाने चालवून सहयोग हॉस्पिटल समोर बस व ट्रकला धड़क दिली. त्यांनतर द्वारका लॉन समोरील स्पीड ब्रेकरवर पोलीस वाहनास मागेहुन जोराने धकड दिली. या धड़केत पोलिस वाहन अक्षरशः हवेत उसळुन वाहनातील अधिकारी पो.नि. दिनेश लबडे, तर वाहन चालक मुरलीधर पांडेसह इतर 5 जण जखमी झाले तर एका मोटरसायकल स्वार इसमाचा मृत्यु झाला. ही घटना आज बुधवार, 22 मेच्या सकाळी 10.45 वाजता ते 11.15 वाजता दरम्यान घडली. पोलिस निरीक्षक लबडे आणि वाहन चालक पांडे यांना बजाज हॉस्पीटल येथे उपचारार्थ भरती करण्यात आले आहेत. सदर वाहन अपघातात 4 ते 5 वाहने एकमेकांना मागेहून जोराने धडकल्याने भीषन अपघात घडलेला आहे. 3 ते 4 नागरीक किरकोळ, गंभिर जखमी झाले असल्याने जखंमीवर सहयोग हॉस्पीटल येथे उपचार सुरू आहे. आयसर वाहनाचा चालक अपघात घडवून घटनास्थळावरून पसार झालेला असुन पोलिस पथक सदर वाहन चालकाचा शोध घेत आहेत. अपघाताची संपूर्ण परिस्थितीची, जखमिंची माहिती घेऊन सदर वाहन चालकाविरूध्द गुन्हा नोंदविण्याची प्रक्रिया सुरू आहे.
गोंदिया जिल्हा पोलीस प्रशासनातर्फे जिल्हयातील वाहन चालकांना विशेषतः नागरीकांना, युवा वर्ग यांना असे आवाहन करण्यात येते की, वाहतुक नियमनाचे, रहदारीचे काटेकोरपणे पालन करावे. शहरात, वस्तीत, रहदारीचे ठिकाणी कोणी वाहन चालक भरधाव वेगाने वाहन चालविताना आढळून आल्यास वेळीच सुज्ञ नागरीक या नात्याने पोलिसांना कळवावे. पोलीस नियंत्रण कक्ष क्र. 07182-236100 यावर तसेच डायल 112 वर संपर्क करून वेळीच माहीती द्यावी. जेणेकरून वाहन अपघातावर वेळीच पायबंद करता येवून अपघाताचे प्रमाण कमी करता येईल व वाहतूक नियमांचे, कायदयाचे ज्ञान नसलेल्या वाहन चालकांवर कायदेशिर कारवाई करून वाहन अपघातावर प्रतिबंध करता येईल.
