गोंदिया : महाराष्ट्र शासनाचे उद्योग, ऊर्जा, कामगार व खनिकर्म विभाग, शासन निर्णय ५ एप्रिल २०२४ अन्वये सर्व दुकाने, आस्थापना, व्यापारी संस्था, हॉटेल, रेस्टारेंट, नाट्यगृहे, औद्योगिक उपक्रम, कारखाने किंवा इतर व्यापारी आस्थापना व्यवस्थापक मालकांनी लोकसभा सार्वत्रिक निवडणुकीमध्ये सर्व मतदारांना त्यांचा मतदानाचा हक्क योग्यरित्या बजावता यावा यासाठी पुढील प्रमाणे सूचना देण्यात येत आहे.
राज्यात तसेच महाराष्ट्र राज्याच्या सिमेलगतच्या भागातील निवडणूक होणाºया मतदान क्षेत्रात मतदार असलेले कामगार, अधिकारी व कर्मचारी यांना, मग ते कामानिमीत्त निवडणूक होणाºया क्षेत्राबाहेर कार्यरत असले तरी त्यांना निवडणुकीच्या दिवशी मतदानाचा हक्क बजावण्यासाठी भरपगारी सुट्टी देण्यात यावी. सदर सुट्टी उद्योग, ऊर्जा व कामगार विभागाअंतर्गत येणाºया सर्व आस्थापना, कारखाने, दुकाने इत्यादींना लागू राहील. जसे- खाजगी कंपन्यामधील आस्थापना, सर्व दुकाने व इतर आस्थापना, निवासी हॉटेल, खाद्यगृहे, अन्नगृहे, नाट्यगृहे, व्यापार, औद्योगिक उपक्रम किंवा इतर आस्थापना तसेच माहिती व तंत्रज्ञान कंपन्या, शॉपिंग सेंटर, मॉल्स, रिटेलर्स इत्यादी.
अपवादात्मक परिस्थितीत कामगार, अधिकारी व कर्मचाºयांना पूर्ण दिवस सुट्टी देणे शक्य नसेल तर मतदान क्षेत्रातील कामगारांना मतदानाचा हक्क बजावण्यासाठी सुट्टी एैवजी कमीत कमी दोन ते तीन तासांची सवलत देता येईल, मात्र त्याबाबत आस्थापना व्यवस्थापनास जिल्हाधिकारी तथा जिल्हा निवडणूक अधिकारी यांची पूर्व परवानगी घेणे आवश्यक राहील. कोणत्याही परिस्थितीत मतदारांना मतदानासाठी किमान दोन ते तीन तासांची सवलत मिळेल याची दक्षता संबंधित आस्थापना मालकांना घेणे आवश्यक राहील.
वर नमूद केल्यानुसार उद्योग, ऊर्जा व कामगार विभागांतर्गत येणाºया सर्व आस्थापना, कारखाने, दुकाने इत्यादीच्या मालकांनी/व्यवस्थापनाने वरील सूचनांचे योग्य ते अनुपालन होईल याची काटेकोरपणे खबरदारी घ्यावी. मतदारांकडून मतदानाकरीता योग्य ती सुट्टी अथवा सवलत प्राप्त न झाल्याने मतदान करता येणे शक्य न झाल्याबाबत तक्रार प्राप्त झाल्यास संबंधित आस्थापनेविरुध्द कारवाई करण्यात येईल.
कामगारांना मतदान करण्याकरीता सुट्टी न दिल्यास जिल्ह्यातील कामगारांनी आपली तक्रार सहायक कामगार आयुक्त यांचे कार्यालय, प्रशासकीय इमारत, खोली क्र.३५, जयस्तंभ चौक, गोंदिया येथे स्थापीत केलेल्या नियंत्रण कक्षात प्रत्यक्षात अथवा ंम्त्ुह्ॅुस्ंग्त्.म्दस् या ई-मेलवर तसेच सहायक कामगार आयुक्त उज्ज्वल लोया यांचे मोबाईल क्र.८०५५७३४७६६ यावर करता येईल, असे सहायक कामगार आयुक्त उज्ज्वल लोया यांनी कळविले आहे.
